مناجاة شمعة
كتبهاإدريس الهگار التازي ، في 9 أغسطس 2008 الساعة: 19:20 م
منين اسكن الليل وطاح اظلامو
بكيتي يا شمعة
منين اسكن الليل وخبع سرارو
خفت عليك ياشمعة
خفت عليك من خوف انزل عليا قدرة
ومن هوى اشعل فقلبي جمرة
خفت عليك من النسيم إلى فاح
ومن لقليب إلى ساح
خفت عليك من سري إلى باح
ومن خوفي إلى جاح
خفت عليك من الگمرة إلى ضحكات
ومن النجوم إلى ضوات
خفت عليك من نفسي إلى طغات
ومن الغيرة إلى دوات
بكيتي وبكيت معاك وانا ولهان
دمعة حارة، سقطات على اخديد عرقان
سقات شفايف حمرة بلعمان
الله على قد وقامة كعود البان
وصفي ليك راسخ فلذهان
انت شمعة فخيالي تضوي لمكان
أنا نجايك ياشمعة ونجايا صادق
نكتبو ليك حروف بعرقي وبدمي من لعماق
دمي فعروقي يجري من لحراق
عرقي نشف والساني ما قدر ينساق
درت ليك صورة فخالي ما تفرقني فراق
فانهاري وليلي وتفكيري كلو تحقاق
قلبك يا شمعة، خيط من الحرير رفيع
ولونك يا شمعة، باهي ابيض انصيع
أصلك نحلة عسل حلوة
قرصاتني وداويتيني يا شمعة
بعدك عني فراق قلبي ما هناه
وغيابك عني عقلي ما ينساه
راه زاد خوفي وخلاني تايه فهواه
تايه فخيال عيني ما تراه
ومنين بان النهار واظهر ضوو
بكيتي عليا يا شمعة
ومنين طلع النهار وفضح سرو
خفتي عليا يا شمعة
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أغسطس 9th, 2008 at 9 أغسطس 2008 7:59 م
أخي الكريم “إدريس” ،
بعد التحيّة والسلام…أدعوك لزيارة مدونتي
تقبّل مروري…
أغسطس 9th, 2008 at 9 أغسطس 2008 11:32 م
أبدعت خويا إدريس
حوار داخلي يستحضر الصورة الرمزية للشمعة بدلالاتها العميقة.
وفقت ، خويا ادريس
أغسطس 11th, 2008 at 11 أغسطس 2008 10:24 ص
Merci de votre invitation
je suis ravie de decouvrire cette belle khaima
machae allah
منين اسكن الليل وطاح اظلامو
بكيتي يا شمعة
منين اسكن الليل وخبع سرارو
خفت عليك ياشمعة
خفت عليك من خوف انزل عليا قدرة
ومن هوى اشعل فقلبي جمرة
خفت عليك من النسيم إلى فاح
ومن لقليب إلى ساح
خفت عليك من سري إلى باح
ومن خوفي إلى جاح
خفت عليك من الگمرة إلى ضحكات
ومن النجوم إلى ضوات
خفت عليك من نفسي إلى طغات
ومن الغيرة إلى دوات