المدونة التالية
كافة المدونات
   يمكنكم زيارة موقعي www.alzajal.c.la

مرحبا بكم

الحرف

فبراير 5th, 2009 كتبها إدريس الهگار التازي نشر في , زجل, 

تعليق واحد »
, 

حرف الحجبان سرو ما يشفي

قلب عاشق همو همــــي

بين لسرار شـربتو حرفي

مـداد جاري فوج على قلبي

بين السطـور قريتو ســــرّي

و علقتو حجاب على صــدري

تتخلط لحروف واخة ما نبغـي

كلها و حروفو و بحروفو يلغي

و أنا و حرفي عايشين نصغي

لــربي وحدو وحدو نصغ

المزيد


خير وسلام

أبريل 5th, 2009 كتبها إدريس الهگار التازي نشر في , زجل, 

تعليق واحد »
, 

———————————————
خير وسلام

خير و سلام
و أنا غارق فلحلام
بان لي فمنامي خيال
شد على يدي
و باسني من الجبين
و گالي:
يا سي دريس علاش تنين
مالك و هاذ الحزة
غوت بالعلالي و گاد الرزة
و لا تخاف من كلام
 
و نهار طلع النهار
شعري وقف و لساني مرار
و ما عرفت منين نزلات الضربة
غير زيرت راسي بالعصبة
و جدبت كيف العادة ديك الجدبة
و جمعت حروفي بالزربة
و اخترت منها ما هو قاطع و زين
زجل حفظتو من كنانش الوالدين
و زرعتو فكيسان المحبة
نفرقو عليكم واحد واحد
ويشيط الخير
و اللي شاط
كتبتو قصيدة
عنوانها قصايد
كلام ما ناقص ما زايد
سمعوه يا لخوان
و گولو لي واش كلامي ميزان
 
الحاضر يحكي للغايب
قلبي يا لحباب راهو طايب
و عقلي فتخمامو دايب
و حسابي تالف و عايب
غير ضربت السداسي فالرباعي
و عزمت بالخط الزناتي
و بخرت بالجاوي المكاوي
و ما لگيت شكون ينصح
و شكو

المزيد


زجل - سوق واش من سوق

يونيو 13th, 2008 كتبها إدريس الهگار التازي نشر في , زجل, 

3 تعليق »
, 

 
سُوقْ وَاشْ مَنْ سُوقْ 
الدَّاخَلْ لِيـهْ يْـتِيهْ
وْ الْخَارًجْ مَـنُّو مَا يَسْخَى بِيهْ
اعْمَرْ، فَاضْ 
وْ احْمَى لِـي رَاسِي
دْخَلْتْ نَـتْسَارَى
نَخْبَشْ …
نْـقَلَّبْ عْلَى وَ نَّـاسِي
بَـانْ لِـي السُّوقْ عَرْيـَانْ
فِيهْ الْـحَياَةْ تـْـقَاسِي
وْ قْبَلْ مَا نَـتْكَلَّمْ
اجْـمَعْتْ حْرُوفِـي
وْ حْسَبْتْ ضْرَاسِي

المزيد




شكرا على زيارتكم